Abaigarko euskal udalekua:

Lizarratik hurbil dago Abaigar, gari soroen artean: 80 lagunentzako etxe egokia, eguraldi atsegina, igerilekua eta 15 minutura erietxea.

Urtez urte, Euskal Herri osoko haur eta gazteen topalekua izaten da gure Abaigarko etxea, euskaraz 15 egunez gozatzeko: San Fuentesko June, Donibaneko Mireia eta Fermin, Antiguoko Ana eta Alaitz…

Gaztetxo bakoitzak bere heziketan zentratutako lantaldea izango du Abaigarren; gogoz eta ilusioz prestatzen dugu hamabostaldia: gustuko dugulako. Udalekuko pertsona bakoitzaren izaerak kolorezta dezala udalekua!

Goizetik gauerako ekintzetan, igerilekuan eta otorduetan, harreman osasuntsuak izan ditzatela: hori gure erronka. Izan dadila Abaigar udako ekaitzen modukoa: askatasun zurrunbiloa. Aske maite, aske bizi!