Abaigar
Abaigar

⁠⁠⁠Euskal Udalekuen lagunei:
Aurten ezinezkoa izango dugu txandak aurrera eramatea, Abaigarko etxea berriz erabili ahal izateko ezinbestekoak diren hobekuntza lanak direla eta.
Hala ere, begirale, sukaldari eta milook urte osoan lanean jarraituko dugu aurrerago ere udak euskaraz blaitzen jarraitu ahal izateko. Pena handiz, txandan ikusiko ez garen arren, elkarren berri izango dugu datozen hilabeteetan.

Sua ez da itzaltzen!

Informazioa

1970eko hamarkadatik Nafarroako ingurune paregabeaz gozatzeko aukera izan dugu Abaigarko udalekuan, gertuko herriak bisitatuz eta mendi irteerak eginez. Lizarratik 14 kilometrora dagoen herri lasai honetatik ume eta gazte asko igaro dira, eta aukera izan dute bertako giro euskaldun, alai eta parekidean murgiltzeko.
Gure udalekuetara etorri nahi duten neska-mutilek bi baldintza bete behar dituzte: euskaraz jakitea eta euskaraz bizi nahi izatea.

Helburuak

  • Gazteei euskal giroan bizitzeko aukera ematea.
  • Berdintasuna eta hezkidetza lantzea
  • Gazteen sormena, interesa eta parte-hartzea bultzatzea.
  • Elkarbizitzarako arauak ezagutaraztea eta talde-giroa lantzea.
  • Parte-hartzaileek eztabaidan eta elkarrizketan oinarritutako erabakiak hartzen ikastea.
  • Gazteen beharrak kontuan hartuko dituzten jarduerak eskaintzea.
  • Nork bere nortasuna eta autonomia garatzeko aukera izatea.
Azpiegitura

Etxeak 110 pertsonarentzako azpiegitura trinkoa du: bost logela, jantokia, sukaldea eta komunak eta zelai txiki bat etxearen albo batean. Gainera, herriko pilotalekuaz, kirol zelaiaz, igerilekuaz eta errekaz gozatzeko aukera dago egunero.